“Që nga ajo ditë jam ndjerë si në shtëpi te Interi”

Manuel Akanji, mbrojtësi i Interit, ka theksuar se ndihet shumë komod në skuadër dhe dëshiron të vazhdojë të luajë për të. Ai ka shprehur kënaqësinë e tij për ambientin e krijuar që nga ardhja e tij. „Këtu jam ndjerë si në shtëpinë time që nga dita që kam ardhur. Të gjithë më pritën ngrohtësisht,“ tha 30-vjeçari në një intervistë për “DAZN”.

Interi është i gatshëm të aktivizojë opsionin e blerjes me Manchester Cityn, i cili ka një vlerë prej 15 milionë eurosh. Aktivizimi i këtij opsioni pritet të ndodhë brenda gjashtë muajve. Akanji ka realizuar 22 paraqitje dhe ka luajtur 1787 minuta në të gjitha garat këtë sezon.

Skuadra e Interit do të përballet me Napolin në ndeshjen e radhës në Serie A, e cila do të zhvillohet të dielën në orën 20:45. Kjo përballje, përveçse është një sfidë mes dy ekipeve kryesore, ka një rëndësi të veçantë për Akanjin dhe skuadrën.

“Ne duam ta fitojmë këtë lojë, e cila është shumë e rëndësishme për ne në shtëpi. Me një fitore mund të arrijmë një epërsi të mirë,” theksoi Akanji, i cili ka përfaqësuar Zvicrën 77 herë. Ai gjithashtu theksoi se është e rëndësishme të përqendrohen në lojën e tyre dhe jo vetëm tek kundërshtarët: “Nëse luajmë lojën tonë, mendoj se gjithçka do të shkojë mirë.”