Postuar: Shkurt 4, 2025 | 21:47
oli ndaj Empolit, edhe pse erdhi pas shumë kohësh në shtëpi, nuk ishte një gol feste për Dushan Vlahoviçin. Kjo gjë u vu re edhe te reagimi i lojtarit pas golit, i cili ka qindra pikëpyetje në kokën e tij. Mbi të gjitha është e ardhmja, pas një janari të lodhshëm që ka pasur më shumë kritika dhe mungesa.
Tashmë në ekip është një konkurrent i denjë për Vlahoviçin dhe quhet Randal Kolo Muani i cili ka shënuar 3 gola në 2 ndeshje. U përfol gjatë janarit edhe për një largim të Vlahoviçit, por diçka e tillë nuk ndodhi. Por çfarë pritet të ndodhë tani me të ardhmen e sulmuesit serb?
E ARDHMJA- Palët janë shumë larg një marrëveshjeje për të rinovuar kontratën. Sulmuesi serb e ka refuzuar ofertën e bardhezinjve, ndërsa nga ana tjetër Xhuntoli nuk ka asnjë dëshirë që ta përmirësojë atë. Besimi te serbi është humbur, por ai do të shfrytëzohet në maksimum deri në fundin e këtij sezoni për dy arsye. Arsyeja e parë lidhet me faktin se Juventusi kërkon vazhdimësi dhe Vlahoviç mund të japë një kontribut të madh nëse tregon versionin e tij më të mirë.
Kjo gjë do të sillte gjithashtu edhe rritjen e vlerës së Vlahoviçit për t’u shitur në verë. Në mënyrë që Juventusi të mos e humbasë me parametër zero, Xhuntoli po shikon opsionet ku mund ta sistemojë sulmuesin serb. Në horizont janë dy skuadra.
PSGja që shfaqi interes edhe në merkaton e janarit, si dhe Barcelona që kërkon të gjejë pasuesin e Levandovskit. Për këtë arsye, kjo gjysmë sezoni që ka mbetur do të tregojë shumë për Vlahoviçin dhe për të ardhmen e tij. Nuk duhet harruar edhe fakti se në ditët në vijim pritet një tjetër takim mes agjentëve të lojtarit dhe Juventusit dhe surprizat nuk përjashtohen.
PANORAMASPORT.AL
