Presidentja e vendit, Vjosa Osmani, është takuar me presidentin e Këshillit Evropian, Antonio Costa, në Konferencën e Sigurisë në Mynih.
Osmani tha se populli i Kosovës ka dëshmuar përkushtim të palëkundur ndaj vlerave evropiane dhe ka bërë hapa domethënës në rrugëtimin drejt integrimit.
“Është koha që BE-ja ta njohë dhe vlerësojë këtë progres, përfshirë duke larguar masat e padrejta dhe duke i hapur rrugë Kosovës drejt statusit të kandidatit”, tha Osmani.
E para e shtetit gjatë ditës është takuar edhe me Komandantin Suprem të Forcave Aleate për Evropë, Gjeneralin Christopher Cavoli.