Kujtimi për presidentin historik, dr.Ibrahim Rugova, nuk është vetëm histori, por busulla jonë nacionale.
Kështu është deklaruar e para e vendit, Vjosa Osmani, pas vizitës që zhvilloi në familjen e Rugovës.
”Në përvjetorin e ndarjes së tij nga jeta, vizitova familjen e tij, në të cilën edhe më shumë e kuptojmë madhështinë dhe urtësinë me të cilën ai ndërtoi vizionin që na frymëzoi ne dhe do t’i fyrmëzojë brezat që vijnë për dashurinë e pakusht ndaj Kosovës”, ka shkruar Osmani.
Sot janë bërë 19 vjet nga vdekja e ish-presidentit Ibrahim Rugovës.