Newcastle United ka refuzuar një ofertë nga Tottenham Hotspur me vlerë rreth 92.2 milionë euro për yllin e Italisë, Sandro Tonali, sipas Sky Sports.
Trajneri Roberto de Zerbi dëshiron të nënshkruajë me bashkatdhetarin e tij këtë verë. Oferta e Tottenhamit u mor në fillim të kësaj jave dhe u refuzua menjëherë nga Newcastle.
Për mesfushorin raportohet se interesohet edhe Manchester City. 26-vjeçari ka kontratë me “magpies” deri në vitin 2028 – me opsion të klubit edhe për një vit.
Në verën e vitit 2023, Tonali u transferua nga AC Milan te Newcastle për rreth 61 milionë euro. Sezonin e kaluar, mesfushori qendror shënoi tre gola dhe shtatë asistime në 53 ndeshje konkurruese.
