Postuar: Shkurt 21, 2025 | 16:33
Presidenti i Bajernit Herbert Hainer dëshiron që sulmuesi Tomas Myler të qëndrojë në Mynih përtej fundit të sezonit, qoftë si lojtar apo në një rol tjetër. Me kontratën “Myler” që skadon në fund të sezonit, e ardhmja e 35-vjeçarit është në “ajër”.
Presidenti i klubit bavarez, Herbert Hainer, aktualisht nuk është në gjendje të thotë se çfarë i pret e ardhmja Mylerit. Ajo që ai mund të thotë, megjithatë, është se ai dëshiron që sulmuesi gjerman të mbetet në klub kur të mbarojnë ditët e tij të lojës.
“Tomas do të marrë një vendim në varësi të gjendjes së tij fizike dhe si ndihet. Ne gjithashtu duam të flasim me të për atë që ai dëshiron të bëjë kur të ndalojë së luajturi, sepse ne duam që ai të përfshihet me Bajernin në një mënyrë ose në një tjetër.
Varet nga ai nëse dëshiron ta bëjë këtë menjëherë apo nëse dëshiron të marrë një pushim pas një periudhe kaq të gjatë të lojës”, tha Hainer për “Sport Bild”. “Unë i besoj atij që të bëjë shumë gjëra në klubin tonë, sepse ai e njeh nga brenda.
Është një djalë inteligjent me një instikt unik për atë që të bëjë dhe çfarë të thotë. Por fakti është se të qenit një vendimmarrës në Bajern, sot është diçka që duhet të mësosh. Tomas sjell shumë në tryezë, nga menaxhimi, tek ambasadori i çdo gjëje të mundshme për të të përfshirë”, tha Herbert Hainer. Myler e ka kaluar të gjithë karrierën e tij në Mynih, duke bërë 737 paraqitje me 247 gola dhe 272 asistime, një rrugëtim “maratonomaku”, teksa vlerësohet nga tifozët edhe si “legjendë aktive”.
PANORAMASPORT.AL
