Avokati Gylsen Zhllima, për Fax News, ka komentuar mbi situatën e fundit që ka përfshirë Partinë Socialiste dhe drejtuesit e saj, duke theksuar se nëse vërtetohet se ka pasur sekuestrim të dokumenteve të rëndësishme, siç është një laptop, kjo mund të shkaktojë tensione të mëdha politike dhe përplasje brenda partisë dhe mazhorancës që drejtohet nga Edi Rama.
Sipas Zhllimës, ky proces mund të përbëjë një sfidë të rëndësishme për politikën shqiptare, pasi shumë figura të larta të shtetit, të cilët kanë qenë të fuqishëm në pushtet, mund të përballen me pasoja serioze. Ai theksoi gjithashtu se ka një kontradiktë në sjelljen e politikanëve: ata janë të fortë kur janë në pushtet, por kur përballen me drejtësinë, ndodhin ndryshime në qëndrim.