Kosova 17 vite shtet, Meta uron nga qelia: Forcohesh çdo ditë! Shembull i shkëlqyer i funksionimit të demokracisë

Presidenti i partisë së Lirisë Ilir Meta ka uruar sot 17 vjetorin e pavarësisë së Kosovës.

“Gëzuar Ditën e Pavarësisë Kosovë e dashur!
Forcohesh çdo ditë si faktor i rëndësishëm paqeje, sigurie dhe stabiliteti në rajon, shembull i shkëlqyer i funksionimit të demokracisë, shtetit ligjor dhe garantimit të votës së lirë.
Partia e Lirisë është e vendosur për të mbrojtur pavarësinë e integritetin territorial të Kosovës, si dhe të mbështesë procesin e njohjeve dhe anëtarësimin e saj në gjithë organizatat rajonale dhe në OKB.
Urimet më të përzemërta vëllazërore!”, shkruan Meta.