Dani Olmo ka qenë në fokus të mediave në Spanjë javët e fundit, pasi Barcelona nuk arriti të sigurojë regjistrimin e tij përtej Vitit të Ri.
Regjistrimi i Olmos në Federatën Spanjolle të Futbollit skadoi më 31 dhjetor 2024 dhe një mesfushor kaq i madh nuk ka më të drejtë të luajë për Barcelonën.
Megjithatë, lajmi i keq për katalanasit dhe tifozët e tyre është se Olmo nuk mund të luajë as në Ligën e Kampionëve, pasi rregullat e UEFA-s janë plotësisht të qarta.
“Për të marrë pjesë në garat e sipërpërmendura të UEFA-s, çdo lojtar i ri, ndër të tjera, duhet të jetë i regjistruar në Federatën Kombëtare si lojtar i klubit përkatës, në përputhje me rregullat e shoqatës dhe rregulloret FIFA-s e UEFA-s”.
Për momentin skuadra e Barcelonës ndodhet në Arabinë Saudite ku po luhet finalja e Superkupës së Spanjës dhe sonte katalanasit kanë ndeshje gjysmëfinale ndaj Athletic Bilbaos. Olmo nuk do të ketë të drejtë të luajë në këtë ndeshje.
Në Ligën e Kampionëve, Barcelona luan ndaj Benficas dhe Atalantas.