Postuar: Janar 11, 2025 | 22:31
Kapiteni i Mançester Sitit, Kajl Uoker, ka vendosur të largohet, dhe pse kishte kontratë të vlefshme deri në verën e vitit 2026.
Këtë e ka konfirmuar dhe Guardiola, pas ndeshjes që Siti fitoi 8 me 0 në Kupën FA kundër Salford. Tekniku spanjoll nuk e kishte të gatshëm kapiteni Kajl Uokër.
“Dy ditë më parë Kajl kërkoi të shikonte mundësinë për të luajtur jashtë. Ai shkoi te drejtori. Për këtë arsye preferoj të aktivizoj lojtarë që e kanë mendjen këtu”, u shpreh Guardiola.
Kështu pritet të shihet ku do të jetë aventura e radhës për mbrojtësin, që është pjesë e Sitit prej vitit 2017.
PANORAMASPORT.AL
