Kryetarja e deleguar e Bashkisë së Tiranës, Anuela Ristani, ka reaguar ndaj akuzave për zhdukjen e provave nga bashkia, duke i cilësuar ato si të pabaza dhe të motivuara politikisht.
“Është thënë me dashakeqësi se bashkia po zhduk prova. Është e pavërtetë. Në Bashkinë e Tiranës nuk habitemi më nga askush që na akuzon pa prova e fakte, pa arsye, përveç atyre politike,” tha Ristani në një deklaratë për mediat.
Ajo shtoi se Bashkia është përballur me një sërë akuzash të pabaza dhe se i ka dhënë prioritet vetëm vijimit të punës në shërbim të qytetarëve.
Në reagimin e saj, Ristani hodhi poshtë pretendimin se Bashkia e Tiranës ka djegur dokumente dhe prova në mes të ditës, duke i quajtur këto akuza si të pabesueshme dhe të frymëzuara politikisht.
“Kjo është një marrëzi e një niveli të denjë për shfaqjet seriale,” përfundoi ajo.
“Është thënë me dashakeqësi se bashkia po zhduk prova. Është e pavërtetë. Në bashkin e Tiranës nuk habitemi më nga asgjë nga askush që na akuzon pa prova e fakte pa arsye përvec atyre politike. Kemi parë e dëgjuar lloj lloj çudirash saqë përgjigja jonë ka qenë se vetëm vijojmë punën. U detyrohemi qytetarëve sqarimet përkatëse për shpifjet që përhapen dhe arrijnë në nivele të tilla.
Bashkia akuzohet se djeg dhe zhduk kamionë me prova e dokumente në mes të ditës në sytë e një zonjë të punësuar nga PD për t’u stacionuar në trotuarin e bashkisë. Kjo është një marrëzi e një niveli të denjë për shfaqjet seriale”, u shpreh ajo mes të tjerash.